30.04.2026 | 22:19
Հայաստանի պետական սիմֆոնիկ նվագախմբի և Լա Սկալայի օպերային թատրոնի համագործակցությունը՝ Օմանում
ԱՄՆ-ում կայացած նախագահական ընտրությունները չեն ազդում Իրանի ներուժի վրա․ Քալիբաֆ
Քաղաքականություն
10.11.2024 | 20:36
Իրանի խորհրդարանի (մեջլիսի) նախագահ Մոհամմադ Բաքեր Քալիբաֆը կարևորել է երկրի ազգային կարողությունները՝ ծառայելու իր շահերին՝ ընդգծելով, որ ԱՄՆ-ում վերջերս կայացած նախագահական ընտրությունները չեն ազդում ներուժի վրա. փոխանցում է IRNA-ն։
«Գործողություններ անելիս անկախ լինելը և օտար երկրներից որևէ կախվածություն կանխելը Իսլամական Հանրապետության համակարգի հիմնարար սկզբունքն է, բոլոր ձեռքբերումներն ու հաջողությունները երկրում ձեռք են բերվել այս շրջանակներում»,- ասել է Քալիբաֆը:
Մեջլիսի նախագահը նշել է, որ Իրանի նման զարգացող տերությունները, որոնց ոչ ոք չի կարող տիրել, ապավինում են իրենց ներքին ուժերին և ավելի արդյունավետ դեր կխաղան աշխարհի ապագա կարգուկանոնում։
Իր խոսքում Քալիբաֆը նշել է, որ ցանկացած ճնշումների և սպառնալիքների դեմ զսպող լինելու լավագույն միջոցը ներքին խնդիրների լուծումն է, մասնավորապես՝ տնտեսական:
