30.04.2026 | 20:13
Գեղամ Գևորգյանը` հեղուկ գազի դեֆիցիտի մասին
563 զոհված զինծառայողների մարմիններ վերադարձվել են Ուկրաինային, 37-ը՝ Ռուսաստանին
Քաղաքականություն
08.11.2024 | 18:26
Ուկրաինան և Ռուսաստանը մահացած զինծառայողների մարմինների հերթական փոխանակումն են իրականացրել, գրում է Current Time-ը։
Ուկրաինայի ռազմագերիների բուժման հարցերով համակարգող շտաբը հայտնել է, որ Ուկրաինա է վերադարձվել 563 զինծառայողի դի, որից 320-ը մահացել է Դոնեցկի, 89-ը՝ Բախմուտի ուղղությամբ մարտերում, ևս 154 դի գտնվում է ՌԴ դիահերձարաններում։
Բոլոր դիերն ու մասունքները կուղարկվեն համապատասխան հաստատություններ՝ պարզելու նրանց ինքնությունը։
Կարմիր Խաչի միջազգային կոմիտեն, Ուկրաինայի անվտանգության ծառայությունը, Ուկրաինայի ներքին գործերի նախարարությունը և անվտանգության և պաշտպանության ոլորտի կառույցների այլ ներկայացուցիչներ օգնում են համակարգող շտաբին դիերը վերադարձնելու հարցում։
Միաժամանակ, Ռուսաստան է վերադարձվել 37 ռուս զինծառայողի դի։
Թարգմանությունը՝ Տաթև Ֆռանգյանի
