22.06.2026 | 13:44
Իրանի ֆուտբոլի հավաքականը հանդերձարանում շնորհակալական նամակ է թողել Աշխարհի առաջնությունը հյուրընկալող Լոս Անջելեսին
Պեսկովը հայտարարել է, որ Պուտինի՝ Բաքվում կայանալիք COP29-ին մասնակցության հարցը բաց է մնում
Քաղաքականություն
06.11.2024 | 16:15
ՌԴ նախագահ Վլադիմիր Պուտինի՝ Բաքվում կայանալիք ՄԱԿ-ի կլիմայական համաժողովին մասնակցության հարցը բաց է մնում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Ո՛չ, դեռևս հստակություն չկա։ Մենք ձեզ կտեղեկացնենք»,- ասել է Կրեմլի ներկայացուցիչը լրագրողների հարցին՝ արդյո՞ք հստակություն կա միջոցառմանը Պուտինի հնարավոր մասնակցության վերաբերյալ:
Ավելի վաղ BBC-ն, վկայակոչելով Ադրբեջանի կառավարությունում իր աղբյուրին, հայտնել էր, որ Պուտինը չի մեկնի Բաքու, և որ ՌԴ-ն կներկայացվի վարչապետի մակարդակով։
Նոյեմբերի 11-ից 22-ը Ադրբեջանում կանցկացվի ՄԱԿ-ի Կլիմայի փոփոխության հարցերի 29-րդ համաժողովը (COP29): Վլադիմիր Պուտինն անցյալ տարի չի մասնակցել նաև COP28-ին, որն անցկացվել է Արաբական Միացյալ Էմիրություններում։
Թարգմանությունը՝ Էմմա Չոբանյանի
