08.10.2026 | 19:27
Լավագույն բուհերում սովորողներին տարկետում կտրվի մինչև 32 տարեկանը
Զելենսկին շնորհավորել է Թրամփին «տպավորիչ» հաղթանակի կապակցությամբ
Քաղաքականություն
06.11.2024 | 12:27
Ուկրաինայի նախագահ Վլադիմիր Զելենսկին շնորհավորել է ԱՄՆ նախագահի հանրապետական թեկնածու Դոնալդ Թրամփին՝ «ընտրություններում տպավորիչ հաղթանակի կապակցությամբ»։
«Շնորհավորում եմ Դոնալդ Թրամփին ընտրություններում տպավորիչ հաղթանակի կապակցությամբ: Ես բարձր եմ գնահատում նախագահ Թրամփի հավատարմությունը համաշխարհային հարցերի վերաբերյալ «խաղաղություն ուժի միջոցով» մոտեցմանը: Հենց այս սկզբունքն է, որ իսկապես կարող է մոտեցնել արդար խաղաղությունն Ուկրաինայում։ Հուսով եմ, որ միասին մենք այն կյանքի կկոչենք»,- գրել է Զելենսկին X-ում։
Նա հավելել է, որ Կիևը շահագրգռված է զարգացնել փոխշահավետ քաղաքական և տնտեսական համագործակցությունը, որը օգուտ կբերի երկու ժողովուրդներին։
«Ուկրաինան, որպես Եվրոպայի ամենաուժեղ ռազմական տերություններից մեկը, հավատարիմ է Եվրոպայում և անդրատլանտյան համայնքում երկարաժամկետ խաղաղության և անվտանգության ապահովմանը մեր դաշնակիցների աջակցությամբ: Ես անհամբերությամբ սպասում եմ անձամբ շնորհավորելու նախագահ Թրամփին և քննարկելու ԱՄՆ-ի հետ Ուկրաինայի ռազմավարական գործընկերության ամրապնդման ուղիները»,- հայտարարել է Ուկրաինայի նախագահը։
Թարգմանությունը՝ Տաթև Ֆռանգյանի
