05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
ՔՊ պատգամավորին սպասարկող մեքենայի վարորդը տուգանվել է, հանվել է տուգանային 3 միավոր
Հասարակություն
05.11.2024 | 18:07
«Տոյոտա» մակնիշի 090 HH 01 պետհամարանիշով մեքենայի վարորդը Վարչական իրավախախտումների վերաբերյալ օրենսգրքի 124-րդ հոդվածի 18-րդ մասի համաձայն՝ ՆԳՆ ոստիկանության պարեկային ծառայության կողմից տուգանվել է 25․000 դրամի չափով և հանվել է տուգանային 3 միավոր։ Այս մասին Factor.am-ին հայտնեց Ներքին գործերի նախարարի մամուլի խոսնակ Նարեկ Սարգսյանը։
Ավելի վաղ Factor.am-ը գրել էր, որ Ազգային ժողովին պատկանող «Տոյոտա» մակնիշի 090 HH 01 պետհամարանիշով ավտոմեքենան Դեմիրճյան փողոցում երթևեկել է խախտումներով՝ ընթանալով հանդիպակաց ուղղությամբ։ Խախտումը պատկերող տեսանյութ է տարածել վարչապետի նախկին օգնական, ՔՊ-ական պատգամավոր Հայկ Սարգսյանի եղբայր Նաիրի Սարգսյանը։
Հավելենք՝ Factor.am-ին ԱԺ աշխատակազմից հայտնել էին, որ ավտոմեքենան սպասարկում է ԱԺ ՔՊ-ական պատգամավոր, առողջապահության և սոցալական հարցերի մշտական հանձնաժողովի նախագահ Հերիքնազ Տիգրանյանին։
ՔՊ-ական պատգամավորի եղբայրն արձանագրել է ՔՊ-ական մեկ այլ պատգամավորին սպասարկող մեքենայի խախտումը
Մանյա Պողոսյան
