22.11.2024 | 20:16
Ֆրանսիայի արտաքին գործերի նախարարությունն ի գիտություն է ընդունել Նեթանյահուի նկատմամբ ՄՔԴ-ի կալանավորման օրդերը
Թրամփն ու Հարիսը հավասար քանակությամբ ձայներ են ստացել քվեարկած ԱՄՆ առաջին քաղաքում
Քաղաքականություն
05.11.2024 | 13:47
ԱՄՆ նախագահի հանրապետական և դեմոկրատ թեկնածուներ Դոնալդ Թրամփը և Քամալա Հարիսը երեքական ձայն են ստացել Նյու Հեմփշիր նահանգի Դիսքվիլ Նոթչ քաղաքում, հաղորդում է CNN-ը։
Ավանդույթի համաձայն՝ այս փոքրիկ քաղաքում քվեարկությունը սկսվում է ժամը 00:00-ից։ Այս քաղաքը նաև առաջինն է, որը հայտարարել է ընտրությունների արդյունքների մասին։
Քաղաքի բոլոր վեց ընտրողները քվեարկել են կեսգիշերին, իսկ մի քանի րոպե անց ընտրատեղամասը փակվել է։ 1960 թվականից ի վեր այս քաղաքում անցկացվում են նախագահական քվեարկություններ և ներքին կուսակցական ընտրություններ նահանգում: Ընտրություններին մասնակցությունը սովորաբար հարյուր տոկոս է։
Նյու Հեմփշիրի նահանգապետի ընտրություններում Դիսքվիլ Նոթչի ընտրողները հինգ ձայն են տվել հանրապետական թեկնածու Քելլի Այոտին և մեկ ձայն՝ նրա դեմոկրատ մրցակից Ջոյս Քրեյգին։
2020 թվականի ընտրություններում ԱՄՆ գործող նախագահ Ջո Բայդենը հաղթել է այս քաղաքում։ 2016 թվականին նույնպես Դոնալդ Թրամփն ու Հիլարի Քլինթոնը հավասար թվով ձայներ էին ստացել այստեղ։
Թարգմանությունը՝ Տաթև Ֆռանգյանի
