07.10.2026 | 13:16
Վարդաձորի դպրոցում միջադեպը կուսումնասիրեն, ուսուցչուհուն կարող են զրկել մանկավարժական գործունեության իրավունքից
Վրաստանում ընդդիմադիր ուժերը պայմանավորվել են անժամկետ բողոքի ցույցեր անցկացնել
Քաղաքականություն
05.11.2024 | 12:06
Վրացական ընդդիմության հազարավոր կողմնակիցներ հավաքվել են Թբիլիսիի Ռուսթավելի պողոտայում գտնվող խորհրդարանի շենքի մոտ՝ ի նշան ընտրությունների արդյունքների դեմ բողոքի, որոնք, նրանց պնդմամբ, կեղծվել են «ռուսական ազդեցության տակ», գրում է Euronews-ը:
Հոկտեմբերի 26-ին ԿԸՀ-ի կողմից հաղթող է հայտարարվել իշխող «Վրացական երազանք» կուսակցությունը։ Ընտրությունների այս արդյունքը, սակայն, չեն ճանաչել ո՛չ ընդդիմությունը, ո՛չ էլ երկրի նախագահ Սալոմե Զուրաբիշվիլին։
ԵԱՀԿ ներկայացուցիչները հայտարարել են, որ Վրաստանում ընտրական գործընթացը բավարար չափով չի համապատասխանում միջազգային ժողովրդավարական չափանիշներին (ԵԱՀԿ-ն արձանագրել է ձայների գնման, կրկնակի քվեարկության, ֆիզիկական բռնության և ահաբեկման դեպքեր):
Ռուսթավելիի պողոտայում ակցիայի կազմակերպիչները միանգամից երեք քաղաքական ուժեր են՝ «Փոփոխությունների կոալիցիան», «Միացյալ ազգային շարժումը» և «Ուժեղ Վրաստանը»։ Նրանց ներկայացուցիչները հայտնել են, որ պայմանավորվել են միասին գործել և բողոքի ակցիան դարձնել անժամկետ, իսկ հանրահավաքները՝ ամենօրյա, որպեսզի հասնեն նոր ընտրությունների անցկացման։
Նախօրեի հանրահավաքին, տարբեր հաշվարկներով, 4-5 հազար մարդ է մասնակցել։
Հաջորդ ակցիան պետք է տեղի ունենա այսօր կեսօրին՝ Թբիլիսիի սպորտի պալատում։
Թարգմանությունը՝ Տաթև Ֆռանգյանի
