05.11.2024 | 10:42
Դատավորին հայտարարել նկատողություն. ԲԴԽ-ն բավարարեց ԱՆ միջնորդությունը․ ՏԵՍԱՆՅՈՒԹ
Հայաստանը նպատակ ունի արևային էներգիայի արտադրությունը 5 %-ից հասցնել 15 %-ի․ իսկ 2040 թ-ին՝ 60 %-ի․ Հնդկաստանում ՀՀ դեսպան
Տնտեսություն
04.11.2024 | 18:59
Հայաստանը, որպես ստորագրած կողմ և նոր անդամ, նոյեմբերի 4-ին առաջին անգամ մասնակցել է Նյու Դելիում կայացած Արևային միջազգային դաշինքի (ISA) 7-րդ վեհաժողովին։
Հայաստանի դեսպան Վահագն Աֆյանն այդ առթիվ իր խոսքում նշել է․ «Հայաստանը, միանալով այս միջազգային նախաձեռնությանը, հաստատակամ է զարգացնելու արևային էներգետիկայի ոլորտն ու նպաստելու էներգետիկ անկախության ամրապնդմանը։
Հայաստանը առաջնահերթություն է տալիս վերականգնվող էներգետիկային։ 2022-2030 թթ. իր էներգախնայողության և վերականգնվող էներգիայի ծրագրի շրջանակներում Հայաստանը նպատակ ունի արևային էներգիայի արտադրությունը 5%-ից հասցնել 15%-ի»։
Հնդկաստանում ՀՀ դեսպանությունից հայտնում են, որ դեսպանը հայտարարել է՝ գլխավոր նախագծերից են արևային կայանքների տեղադրման ծրագրերի իրականացումն ու մասնավոր հատվածի խրախուսումը․ «Աջակցություն է ցուցաբերվում նաև էլեկտրական տրանսպորտի ներկրումներին և լիցքավորման կայանների տեղադրմանը: 2040թ. համար Հայաստանը նպատակադրված է ունենալ 60% վերականգնվող էներգիայի բաժին՝ միջազգային համագործակցության միջոցով զարգացնելով դիմակայուն և կայուն էներգետիկ համակարգեր։Միջազգային Արևային Դաշինքի նպատակն է խթանել մաքուր և կայուն էներգետիկայի զարգացումը՝ հիմնվելով արևային էներգիայի կիրառման վրա։2025-2026թթ. համար Հնդկաստանն ու Ֆրանսիան համապատասխանաբար վերաստանձնել են դաշինքի նախագահությունն ու համանախագահությունը»:
