23.06.2026 | 13:30
Կենտրոնում եք կանգառասրահներ դնում, մյուս վարչական շրջանների բնակիչներն ինչո՞վ են մեղավոր. Սարգսյան․ ՏԵՍԱՆՅՈՒԹ
ՌԴ-ում ադրբեջանցի գեներալ է կալանավորվել կոռուպցիայի գործով
Քաղաքականություն
04.11.2024 | 14:12
Մոսկվայում կոռուպցիայի գործով կալանավորվել է Ռոսգվարդիայի թիկունքի պետի տեղակալ, ազգությամբ ադրբեջանցի գեներալ-մայոր Միրզա Միրզաևը։ Lenta-ի հաղորդմամբ՝ զինվորական դատարանը Միրզաևին մինչև 2025 թվականի հունվարի 2-ը կալանքի տակ պահելու որոշում է կայացրել։
Ըստ Mash Տելեգրամ-ալիքի՝ 52-ամյա Միրզաևն արագորեն հավաքվող շենքերի համար մոդուլներ մատակարարողից պահանջել է 140 մլն ռուբլի։ Հակառակ դեպքում նա սպառնացել է մատակարարին խզել 480 մլն ռուբլի արժողությամբ պայմանագիրը։ Գումարը ստանալուց հետո նրան ձերբակալել են։
Միրզաևին ավելի վաղ անվանել են Ռոսգվարդիայի «ամենահարուստ գեներալը»․ նա մի քանի թանկարժեք մեքենա և անշարժ գույք ունի, որոնց արժեքը գնահատվում է հարյուր միլիոնավոր ռուբլի:
Թարգմանությունը՝ Էմմա Չոբանյանի
