04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Քամալա Հարիսը վաղաժամ քվեարկել է ԱՄՆ նախագահական ընտրություններում
Քաղաքականություն
04.11.2024 | 11:42
ԱՄՆ փոխնախագահ, Դեմոկրատական կուսակցությունից նախագահի թեկնածու Քամալա Հարիսը փոստով վաղաժամ քվեարկել է նախագահական ընտրություններում: Նա նշել է, որ նոյեմբերի 5-ին կայանալիք ընտրությունները «լարված» են լինելու՝ միաժամանակ վստահություն հայտնելով իր հաղթանակի կապակցությամբ, գրում է CNN-ը։
«Իմ քվեաթերթիկը Քալիֆորնիայի ճանապարհին է: Ես վստահում եմ համակարգին, այն տեղ կհասնի»,- ասել է նա լրագրողներին Դեթրոյթում:
Քամալա Հարիսը նաև կոչ է արել ամերիկացիներին անպայման գնալ ընտրատեղամասեր։ Քաղաքական գործիչը նշել է, որ յուրաքանչյուր ձայն նշանակություն ունի և կարող է որոշիչ դառնալ։ Նա հիշեցրել է քաղաքացիներին առաջիկա քվեարկության շրջանակում ինտերնետ ռեսուրսներից օգտվելու հնարավորության մասին:
Ֆլորիդայի համալսարանն ավելի վաղ հայտնել էր, որ ավելի քան 75 միլիոն ամերիկացիներ արդեն օգտվել են վաղաժամկետ քվեարկության իրենց իրավունքից:
Թարգմանությունը՝ Տաթև Ֆռանգյանի
