07.10.2026 | 15:00
Հայտարարվել են քիմիայի ոլորտում Նոբելյան մրցանակի դափնեկիրները
Վրաստանի կառավարությունը միանշանակ եվրոպամետ է․ Կոբախիձե
Քաղաքականություն
03.11.2024 | 17:39
Մենք չունենք դիվանագիտական հարաբերություններ Ռուսաստանի Դաշնության հետ, քանի որ մեր տարածքի 20 տոկոսը օկուպացված է Ռուսաստանի Դաշնության կողմից: Այս մասին հայտարարել է Վրաստանի վարչապետ Իրակլի Կոբախիձեն իտալական sky հեռուստաալիքին տված հարցազրույցում. փոխանցում է Վրաստանի առաջին ալիքը։
«Մեր շփումը հիմնականում վերաբերում է հումանիտար խնդիրներին, առեւտրին, տնտեսությանը։ Եթե որևէ մեկը մեզ համոզի, որ թափանցիկությունը կամ որևէ այլ օրենք չի համապատասխանում իրավական սկզբունքներին կամ եվրոպական ոգուն, մենք պատրաստ ենք վերանայել ցանկացած համապատասխան որոշում, թեև դրա համար անհրաժեշտ է անկեղծ քննարկում»,- ասել է վարչապետը։
Վրաստանի կառավարությունը միանշանակ եվրոպամետ է,- ասել է Վրաստանի վարչապետ Իրակլի Կոբախիձեն իտալական sky հեռուստաալիքին տված հարցազրույցում։
Ըստ Կոբախիձեի՝ բոլոր իշխանությունները պետք է նպաստեն Վրաստանի եվրաինտեգրմանը։
«Մեզ համար այստեղ ընտրություն չկա, քանի որ Վրաստանի Սահմանադրությունը որպես երկրի արտաքին քաղաքականության գերակայություն սահմանում է, որ բոլոր իշխանությունները պետք է ջանք չխնայեն Վրաստանի եվրաինտեգրմանը նպաստելու համար։ Կառավարությունը միանշանակ եվրոպամետ է»,- ասել է վարչապետը։
