23.06.2026 | 14:32
Տիկինը ավելորդ խոսեց. Անի Խաչատրյանը` իր և Աննա Ավետիսյանի միջադեպի մասին․ ՏԵՍԱՆՅՈՒԹ
Իսպանիայում ջրհեղեղի հետևանքով զոհերի թիվը հասել է 158-ի
Քաղաքականություն
01.11.2024 | 11:05
Իսպանիայում ջրհեղեղի հետևանքով զոհերի թիվը հասել է 158-ի․ սա ամենաաղետալի հեղեղն է 1973 թվականից ի վեր։ Հեղեղումների պատճառ են դարձել հորդառատ անձրևները․ որոշ հատվածներում մի քանի ժամում թափվել է տարվա նորմայի չափ տեղում։
«Այժմ ամենակարևորը հնարավորինս շատ կյանքեր փրկելն է»,- ասել է վարչապետ Պեդրո Սանչեսը, որը հինգշաբթի այցելել էր տուժած շրջաններ:
Զոհերից 155-ը գրանցվել է Վալենսիա ինքնավար համայնքում, 2-ը՝ Կաստիլիա-Լա Մանչայում և 1-ը՝ Անդալուսիայում։
«Մենք բոլորս գիտենք ինչ-որ մեկին, ով մահացել է», – պատմել է դեղագործ Միգել Գերիլան BBC-ին: «Սա մղձավանջ է»,- ասել է նա։
Պաշտոնյաները չեն հայտնում անհետ կորածների ճշգրիտ թիվը, սակայն ասում են, որ այն մեծ է։
Իսպանիայի թագավոր Ֆելիպե VI-ը նախազգուշացրել է, որ արտակարգ դրությունը դեռ չի ավարտվել, իսկ վարչապետ Սանչեսը քաղաքացիներին հորդորել է հնարավորության դեպքում մնալ տանը և հետևել արտակարգ ծառայությունների խորհուրդներին:
Թարգմանությունը՝ Տաթև Ֆռանգյանի
