22.11.2024 | 14:28
Գևորգ Պապոյանն ընդունել է ՀՀ-ում Նիդերլանդների դեսպանին
Լիբանանում ՄԱԿ-ի խաղաղապահ առաքելությունը հոկտեմբերին թիրախավորվել է 30 անգամ, որից 20-ը՝ Իսրայելի կողմից
Քաղաքականություն
31.10.2024 | 15:22
Լիբանանում ՄԱԿ-ի խաղաղապահ առաքելությունն այս ամիս գրանցել է ավելի քան 30 միջադեպ, որոնք հանգեցրել են նյութական վնասի կամ խաղաղապահների վիրավորվելուն։ Դեպքերից շուրջ 20-ն իսրայելական կրակի կամ գործողությունների հետևանք են։ Այս մասին հայտարարել է Լիբանանում ՄԱԿ-ի խաղաղապահ ուժերի խոսնակը, փոխանցում է France 24-ը։
ՄԱԿ-ի խաղաղապահ ուժերը (UNIFIL) Լիբանանում տեղակայվել են 1978 թվականին՝ Իսրայելի կողմից այս երկիր ներխուժելուց հետո: Վերջերս այն հայտնվել է Իսրայելի և լիբանանյան «Հըզբոլլահ» խմբավորման միջև նոր պատերազմի առաջնագծում։ Իսրայելը բազմիցս կոչ է արել խաղաղապահներին լքել դիրքերը:
«Այս ամսվա 30 միջադեպերից մոտ 20-ը, որոնք մենք կարող ենք վերագրել Իսրայելի պաշտպանության բանակի կրակին կամ գործողություններին, 7-ն ակնհայտորեն դիտավորյալ էին»,- UNIFIL-ի խոսնակ Անդրեա Տենենտին։
Հավելենք, որ UNIFIL-ի կազմում ընդգրկված են նաև ՀՀ խաղաղապահներ։
Թարգմանությունը՝ Էմմա Չոբանյանի
