21.02.2026 | 13:52
Գերմանիայի կանցլեր Ֆրիդրիխ Մերցը վերընտրվել է Քրիստոնեա-դեմոկրատական միության ղեկավարի պաշտոնում
Ղրիմի ՆԳՆ-ն 10-ամյա աղջկա TikTok-ում «ռուսական բանակը վարկաբեկելու» նշաններ է հայտնաբերել
Քաղաքականություն
30.10.2024 | 22:56
ՌԴ-ի կողմից բնակցված Ղրիմի Սակի քաղաքի ոստիկանությունը տեղի 10-ամյա աշակերտուհու TikTok-ում հայտնաբերել է «Ռուսաստանի զինված ուժերի վարկաբեկման» և «ռուսական ազգային դրոշի պղծման» նշաններ: Այս մասին հայտնում է գերատեսչության Telegram-ալիքը, փոխանցում է BBC-ի ռուսական ծառայությունը։
Տեսանյութում աղջիկն ընտրություն է կատարում Ուկրաինայի և Ռուսաստանի դրոշների միջև։ Ուկրաինայի դրոշին նա «սիրտ» էմոջի է դրել, իսկ երկրորդին՝ «զայրացած»։
Քանի որ աշակերտուհին դեռևս չի հասել այն տարիքին, երբ հնարավոր է քրեական հետապնդում, նրա 38-ամյա մոր նկատմամբ կկազմվի արձանագրություն՝ անչափահասներին պատշաճ մեծացնելու պարտականությունները չկատարելու մասին, պարզաբանել են ՆԳՆ-ն (Ռուսաստանի Դաշնության վարչական իրավախախտումների վերաբերյալ Օրենսգրքի 5.35-րդ հոդված):
Թարգմանությունը՝ Տաթև Ֆռանգյանի
