15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Թայվանը ցանկանում է ԱՄՆ-ից 1000 հարվածային ԱԹՍ գնել՝ Չինաստանից պաշտպանվելու համար. Bloomberg
Քաղաքականություն
29.10.2024 | 15:55
Թայվանի վարչակազմը մտադիր է ԱՄՆ-ից հարձակողական անօդաչու թռչող սարքեր գնել, որոնք արտադրվում են AeroVironment-ի և Anduril Industries-ի կողմից: Թայվանի իշխանություններն արդեն ստորագրել են նման 1,000 ԱԹՍ գնելու պաշտոնական համաձայնագրերը, հայտնում է Bloomberg-ը՝ հղում անելով իր աղբյուրներին։
Գործակալությունը նշում է, որ անօդաչու սարքերի գնումները պետք է օգնեն Թայվանին «զսպել չինական պոտենցիալ հարձակումը»։
Ըստ այդ տվյալների՝ սեպտեմբերի վերջին Թայվանի պաշտպանության նախարարությունը ստորագրել է «առաջարկի և ընդունման նամակ»։ Սա փաստաթուղթ է, որը ստորագրվում է նախքան պայմանագրի կնքումը, որի մեջ նշվում է արտադրանքի քանակը, դոլարով արժեքը և առաքման ժամկետները: Պաշտոնապես պայմանագրերը կարող են կնքվել մոտ ապագայում։
ԱՄՆ Պետքարտուղարությունը հրաժարվել է մեկնաբանել այս տեղեկությունը։
Չինաստանը Թայվանը համարում է իր տարածքը և պարբերաբար քննադատում է ԱՄՆ իշխանություններին՝ կղզի-պետությանն աջակցելու համար։ Հունիսին ԱՄՆ-ը հավանություն է տվել Թայվանին անօդաչու թռչող սարքերի հնարավոր վաճառքին, իսկ Չինաստանի պաշտպանության նախարարությունը կողմերին կոչ է արել դադարեցնել «ռազմական դավադրությունը»։ Սեպտեմբերին ԱՄՆ-ը 567 միլիոն դոլարի ռազմական օգնություն է հատկացրել Թայվանին։
Թարգմանությունը՝ Տաթև Ֆռանգյանի
