11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ուզբեկստանի ընտրություններում իրական ընդդիմություն չկար. ԵՄ
Քաղաքականություն
29.10.2024 | 14:21
Հոկտեմբերի 27-ին Ուզբեկստանի խորհրդարանական ընտրություններում քվեարկողներն «իրական ընտրություն չունեին»։ DW-ի ռուսական ծառայության փոխանցմամբ՝ նման գնահատական է տվել Եվրոպական արտաքին գործողությունների ծառայությունը (EEAS):
ԵՄ-ն ողջունել է այս ընտրություններում գրանցված առաջընթացը, մասնավորապես, հաշմանդամների քվեարկությունը դյուրացնելու ջանքերը և այն փաստը, որ նոր խորհրդարանում տեղերի առնվազն 40%-ն այժմ կզբաղեցնեն կանայք։ Կառույցը նաև շնորհավորել է Ուզբեկստանի իշխանություններին քվեարկության տեխնիկական բարձր չափանիշներին հասնելու համար։
Միևնույն ժամանակ, Բրյուսելը ուշադրություն է հրավիրել «շարունակվող թերությունների» վրա. օրինակ՝ իրենց թեկնածուներին առաջադրելու իրավունք ունեին միայն կառավարության կողմից հաստատված կուսակցությունները, ինչը հանգեցրել է ընդդիմադիր ուժերի բացակայությանը։
Հիշեցնենք՝ Ուզբեկստանի խորհրդարանական ընտրություններում հաղթող է ճանաչվել իշխող Լիբերալ-դեմոկրատական կուսակցությունը։ Ընտրությունների նախնական արդյունքներով՝ այն հավաքել է ձայների 35,75%-ը և ստացել 64 մանդատ խորհրդարանում։
Թարգմանությունը՝ Տաթև Ֆռանգյանի
