18.07.2026 | 18:00
«Ֆուռերի մեջ բեռնված ձուկը փչանում է, ի՞նչ անենք»․ ՌԴ-ի սահմանափակումներն ու ԵՄ-ի ընձեռած հնարավորությունը․ ՏԵՍԱՆՅՈՒԹ
Ընտրությունների օրինականության հետ կապված կասկածներ կամ հարցականներ չկան․ Կոբախիձե
Քաղաքականություն
27.10.2024 | 18:01
Լսեցինք միջազգային դիտորդական առաքելությունների ղեկավարների մասնակցությամբ ասուլիս, որից պարզ դարձավ, որ ընտրությունների օրինականության հետ կապված կասկածներ կամ հարցականներ չկան։ Ընդհակառակը, ընդգծված կերպով նշվեց, որ այն մրցակցային է, և ընդհանուր առմամբ այս գնահատականն արտացոլում է այն պատկերը, որը տրված է»,- ասել է Վրաստանի վարչապետ Իրակլի Կոբախիձեն․ փոխանցում է Վրաստանի առաջին ալիքը։
Ըստ Կոբախիձեի, ընտրությունները եղել են մրցակցային՝ ընտրական սկզբունքներին համապատասխան։
«Բացի այդ, պետք է նշել, որ բանախոսներն այս ընտրությունները գնահատելիս օգտագործել են կոնկրետ եզրույթներ։ Խոսում էին ընտրված իշխանության մասին, որն ուղղակիորեն նշանակում է ընտրությունները լիարժեք լեգիտիմ ճանաչել։ Սա շատ կարևոր է, և ես ուզում եմ շնորհակալություն հայտնել բոլոր առաքելություններին: Փետրվարից սկսեցինք հրավիրել, բաց էինք դիտարկման համար»,- ասել է Կոբախիձեն։
