30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
«Հըզբոլլահ»-ը զգալիորեն թուլացել է․ Իսրայել
Քաղաքականություն
25.10.2024 | 19:16
Իսրայելական բանակը, Լիբանանում ցամաքային գործողության մեկնարկից ավելի քան երեք շաբաթ անց, եկել է այն եզրակացության, որ արմատական «Հըզբոլլահ» շարժումն արդեն մեծապես թուլացել է, փոխանցում է DW-ի ռուսական ծառայությունը։
«Մենք հիմնովին ոչնչացրել ենք «Հըզբոլլահ»-ի հրամանատարական կառույցը, և այժմ հնարավոր է դադարեցնել մարտերը»,- ասել է Իսրայելի բանակի գլխավոր շտաբի պետ Հերզի Հալևին։
Սեպտեմբերի վերջից Իսրայելի զինված ուժերը ցամաքից և օդից հարվածներ են հասցնում Լիբանանում գտնվող «Հըզբոլլահ»-ի թիրախներին։ Նրանք արձագանքում են Իսրայելի տարածքի վրա չդադարող հրթիռակոծություններին, որոնք «Հըզբոլլահ»-ը մեկ տարի իրականացնում է Գազայի հատվածում պաղեստինյան արմատական ՀԱՄԱՍ շարժման զինյալներին աջակցելու համար։
Լիբանանում իսրայելական գործողության ընթացքում, ի թիվս այլոց, սպանվել են «Հըզբոլլահ»-ի երկարամյա առաջնորդ Հասան Նասրալլան և նրան հաջորդած Հաշիմ ադ-Դինը:
Թարգմանությունը՝ Տաթև Ֆռանգյանի
