08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
ԱՄՆ-ում ավելի քան 20,000 մարդու մասնակցությամբ վերջին հրաժեշտն են Ֆեթուլլահ Գյուլենին
Քաղաքականություն
25.10.2024 | 16:07
Թուրք հայտնի կրոնական քարոզիչ Ֆեթուլլահ Գյուլենի հազարավոր հետևորդներ՝ ընտանիքի անդամների և ընկերների հետ միասին, նախօրեին վերջին հրաժեշտն են տվել գործչին, որը մահացել է հոկտեմբերի 20-ին ԱՄՆ Փենսիլվանիայի հիվանդանոցում։
Հուղարկավորության արարողությունը տեղի է ունեցել Նյու Ջերսի նահանգի Սասեքս շրջանի Սքայլենդս մարզադաշտում, որտեղ մեծ թվով թուրքական համայնք կա։ Այս մասին հայտնել է Գյուլենի հիմնած Hizmet շարժումը X-ի միկրոբլոգում։
Արարողության ժամանակ Ղուրանից հատվածներ են ընթերցել, հարգանքի տուրք է մատուցվել Գյուլենին հիշատակին, որից հետո նրան հուղարկավորել են նրան Փենսիլվանիայի Սեյլորսբուրգ քաղաքում գտնվող «Chestnut Retreat» կենտրոնի տարածքում։ Այստեղ նա անցկացրել է իր կյանքի վերջին 25 տարիները՝ 1999 թվականին ԱՄՆ տեղափոխվելուց հետո։ Հուղարկավորությանը ներկա է եղել ընտանիքի և մտերիմների ավելի փոքր շրջանակ։
Գյուլենի հետևորդները Միացյալ Նահանգներից, Կանադայից, Եվրոպայից և աշխարհի այլ մասերից երկար հերթեր են կազմել մարզադաշտ մտնելու համար: Արարողության կազմակերպիչները նշել են, որ ներկաների թիվն ավելի քան 20,000 է եղել։
ԱՄՆ իշխանությունները մարզադաշտում անվտանգության խիստ միջոցներ են ձեռնարկել, իսկ արարողության ժամանակ ուղղաթիռ է պտտվել մարզադաաշտի վերևում։
Հիշեցնենք, որ Թուրքիայի նախագահ Ռեջեփ Թայիփ Էրդողանն իր գլխավոր հակառակորդներից Ֆեթուլլահ Գյուլենի մահվան մասին առաջին մեկնաբանություններում գործչին ու նրա շարժման հետևորդներին անվանել էր «դավաճաններ» և խոստացել թիրախավորել նրանց Թուրքիայում ու դրա սահմաններից դուրս։
Թարգմանությունը՝ Էմմա Չոբանյանի
