08.10.2026 | 16:44
Կայացել է Նիկոլ Փաշինյանի և Շավքաթ Միրզիյոևի հանդիպումը
ՄՔԴ-ն Մոնղոլիային մեղադրում է Պուտինին ձերբակալելուց հրաժարվելով՝ պարտավորությունները չկատարելու համար
Քաղաքականություն
25.10.2024 | 12:07
Միջազգային քրեական դատարանը (ՄՔԴ) Մոնղոլիային մեղադրել է պարտավորությունները չկատարելու մեջ՝ 2024 թվականի սեպտեմբերի սկզբին Ռուսաստանի նախագահ Վլադիմիր Պուտինին ձերբակալելուց հրաժարվելու համար, գրում է Current Time-ը։
Մոնղոլիան, չձերբակալելով Պուտինին և նրան դատարանին չհանձնելով, չի կատարել այս հարցում համագործակցության վերաբերյալ դատարանի խնդրանքը, ինչը հակասում է Հռոմի ստատուտի դրույթներին և խոչընդոտում է դատարանին իր գործառույթներն ու լիազորություններն իրականացնել, ասվում է նախաքննական պալատի հաղորդագրության մեջ։
ՄՔԴ-ն մատնանշում է, որ որևէ մեկի դիվանագիտական անձեռնմխելիությունը, ներառյալ՝ նախագահական, խոչընդոտ չէ միջազգային դատարանի որոշման կատարման համար:
«Հաշվի առնելով Մոնղոլիայի՝ դատարանի հետ համագործակցելուց հրաժարվելու լրջությունը՝ Պալատն անհրաժեշտ համարեց հարցը փոխանցել Մասնակից պետությունների ասամբլեային»,- հավելել է դատարանը։
Մոնղոլիա այցը Պուտինի առաջին ուղևորությունն էր երկիր, որը վավերացրել է ՄՔԴ-ի Հռոմի ստատուտը։ ՄՔԴ-ն նրա ձերբակալության օրդեր է տվել 2023 թվականի մարտին։
Թարգմանությունը՝ Տաթև Ֆռանգյանի
