07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Թուրքիայի բոլոր օդանավակայաններում սպառնալիքի մակարդակը բարձրացվել է` հնարավոր ահաբեկչությունների պատճառով
Քաղաքականություն
24.10.2024 | 17:43
Անկարայի Turkish Aircraft Industry Joint Stock Partnership (TUSAŞ) ռազմարդյունաբերության գործարանում ահաբեկչությունից հետո Թուրքիայի բոլոր օդանավակայաններում սպառնալիքի մակարդակը հասցվել է «նարնջագույնի»՝ կապված ահաբեկչական կազմակերպությունների կողմից օդանավակայանների վրա հարձակումների պլանների հետ, գրում է DHA գործակալությունը։
Մինչ օդանավակայանների տարածք մտնող և դուրս եկող մեքենաները մանրակրկիտ խուզարկվում են, ստուգվում է նաև ուղևորների ինքնությունը։
«Ուշադրություն մեր ուղևորներին, խորհուրդ է տրվում, որ նրանք ժամանեն տերմինալ իրենց թռիչքներից առնվազն երեք ժամ առաջ, որպեսզի խուսափեն ժամանակի կորստից, որը կարող է առաջանալ օդանավակայաններում ձեռնարկվող լրացուցիչ միջոցառումների պատճառով»,- ասվում է Սաբիհա Գյոքչենի անվան օդանավակայանի հայտարարության մեջ։
Հիշեցնենք, որ Անկարայում նախօրեին իրականացված ահաբեկչության հետևանքով զոհվել է 5, վիրավորվել՝ 22 մարդ։
Թարգմանությունը՝ Էմմա Չոբանյանի
