17.12.2025 | 13:16
Բեռլիոզի «Ռեքվիեմ»-ը՝ Հայաստանի ազգային ակադեմիական երգչախմբի կատարմամբ
«Հըզբոլլահ»-ը ստանձնել է Նեթանյահուի դեմ մահափորձի պատասխանատվությունը
Քաղաքականություն
22.10.2024 | 19:50
Լիբանանյան «Հըզբոլլահ» շարժումը ստանձնել է Իսրայելի վարչապետ Բենիամին Նեթանյահուի տան վրա հարձակման պատասխանատվությունը։ Հոկտեմբերի 19-ին անօդաչու թռչող սարքը հարձակվել էր քաղաքական գործչի տան վրա․ Նեթանյահուն չի տուժել։
«Մենք ստանձնում ենք Կեսարիայում Նեթանյահուի դեմ իրականացվող գործողության պատասխանատվությունը»,- ասել է լիբանանյան շարժման ներկայացուցիչ Մուհամմեդ Աֆիֆը մամուլի ասուլիսի ժամանակ, փոխանցում է The Times of Israel-ը:
Իսրայելի բանակի մամուլի ծառայությունը հայտնել է, որ հոկտեմբերի 19-ի առավոտյան Լիբանանից երեք անօդաչու թռչող սարք է արձակվել։ Դրանցից երկուսը ոչնչացվել է Թել Ավիվի մոտ, երրորդը բախվել է Կեսարիայի տարածքում գտնվող շենքին։ Բենիամին Նեթանյահուի խոսքով՝ անօդաչուներից մեկը հարձակվել է իր նստավայրի վրա։
Հիշեցնենք, որ Իսրայելը սեպտեմբերի 23-ին հայտարարել է Լիբանանում «Հյուսիսի նետեր» գործողության մեկնարկի մասին։ Ըստ իսրայելական կողմի պնդումների՝ սա անհրաժեշտ է «Հըզբոլլահի» սպառնալիքը վերացնելու և 60 հազար տարհանված իսրայելցիներին երկրի հյուսիսում գտնվող բնակավայրեր վերադարձնելու համար։ Հոկտեմբերի սկզբից Իսրայելը ցամաքային գործողություն է իրականացնում։
Թարգմանությունը՝ Տաթև Ֆռանգյանի
