23.06.2026 | 20:00
Սա ամենաապացուցված ընտրակեղծիքն է՝ ՍԴ-ն պետք է հաշվի նստի, ԿԸՀ-ի պես մատների արանքով չնայի․ Վարազդատ Հարությունյան․ ՏԵՍԱՆՅՈՒԹ
ՆԱՏՕ-ի գլխավոր քարտուղարը Հարավային Կորեայի նախագահի հետ քննարկել է հյուսիսկորեացի զինվորների ՌԴ ուղարկելու մասին լուրերը
Քաղաքականություն
21.10.2024 | 22:18
Հարավկորեական հետախուզության տվյալներով՝ Փհենյանը կարող էր 12 հազար զինվորական ուղարկել Ռուսաստան՝ ուկրաինական պատերազմին մասնակցելու համար, իսկ մեկուկես հազար հատուկ նշանակության ջոկատայինները, Սեուլի պնդմամբ, արդեն ժամանել են Հեռավոր Արևելքի ռուսական ռազմակայաններ, փոխանցում է BBC-ի ռուսական ծառայությունը։
Հարավային Կորեայի նախագահ Յուն Սուկ Յոլն ասել է, որ հաղորդագրությունները խիստ մտահոգիչ են, և որ Ռուսաստան հյուսիսկորեական զորքեր ուղարկելը ՄԱԿ-ի պատժամիջոցների խախտում է:
ՆԱՏՕ-ի գլխավոր քարտուղար Մարկ Ռյուտեն «X» սոցիալական ցանցում գրել է, որ «հյուսիսկորեական զորքեր ուղարկելը Ուկրաինայում Ռուսաստանի կողմից կռվելու համար կնշանակի զգալի էսկալացիա»:
Կրեմլը հակասական է անվանել ուկրաինական պատերազմին մասնակցելու համար Հյուսիսային Կորեայի զորքերի ենթադրյալ ուղարկման մասին լուրերը։
Թարգմանությունը՝ Տաթև Ֆռանգյանի
