08.10.2026 | 14:53
Թուրքական պաշտպանական ընկերությունը փակում է Ադրբեջանում իր մասնաճյուղը
Յուլիա Նավալնայան հայտարարել է, որ պատրաստ է առաջադրվել նախագահական ընտրություններում, եթե վերադառնա ՌԴ
Քաղաքականություն
21.10.2024 | 15:55
Բանտում մահացած ռուսաստանցի ընդդիմադիր գործիչ Ալեքսեյ Նավալնիի կինը՝ Յուլիա Նավալնայան, BBC News-ին տված հարցազրույցում ասել է, որ պատրաստ է Ռուսաստանի Դաշնության նախագահական ընտրություններում առաջադրվել որպես թեկնածու, եթե վերադառնա Ռուսաստան։ Այնուամենայնիվ, քանի դեռ Վլադիմիր Պուտինն իշխանության ղեկին է, վերադարձը «ցավոք, անհնար է», ասել է նա:
Նավալնիի այրին հիշեցրել է, որ չի կարողացել Ռուսաստան գնալ նույնիսկ ամուսնու հուղարկավորությանը մասնակցելու համար՝ վախենալով ձերբակալությունից։
Ռուսաստանում Յուլիա Նավալնայային մեղադրում են «ծայրահեղական համայնքին» (Քրեական օրենսգրքի 282.1-րդ հոդվածի 2-րդ մաս) մասնակցելու մեջ՝ Ալեքսեյ Նավալնիի և նրա համախոհների դեմ 2021 թվականի սեպտեմբերին հարուցված գործի շրջանակներում։ 2024 թվականի հուլիսին Բասմանի դատարանը հեռակա ձերբակալել է Նավալնայային։
Հիշեցնենք, որ Ալեքսեյ Նավալնին պատրաստվում էր առաջադրվել որպես թեկնածու Ռուսաստանի նախագահական ընտրություններին 2018 թվականին, սակայն Կենտրոնական ընտրական հանձնաժողովը մերժել էր նրան գրանցել՝ «Կիրովլեսի» գործով քրեական անցյալի պատճառով։ Քաղաքական գործիչը չէր կարողացել բողոքարկել այս որոշումը դատարանում։
Թարգմանությունը՝ Տաթև Ֆռանգյանի
