30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պուտինը չի մասնակցի Բաքվում կայանալիք COP29 ՄԱԿ-ի կլիմայական գագաթնաժողովին
Քաղաքականություն
19.10.2024 | 14:16
Ռուսաստանի նախագահ Վլադիմիր Պուտինը չի մասնակցի Բաքվում կայանալիք COP29 ՄԱԿ-ի կոնֆերանսին․ BBC-ին հայտնել է Ադրբեջանի կառավարության աղբյուրը։
«Ռուսաստանը միջոցառմանը կներկայացվի վարչապետի մակարդակով», – հայտնել է աղբյուրը՝ հաստատելով, որ ՌԴ նախագահին հրավեր է տրվել այլ երկրների ղեկավարների հետ միասին։
Հիշեցնենք, որ Ուկրաինան կոչ էր արել արևմտյան երկրներին բոյկոտել Ադրբեջանում կայանալիք COP29 գագաթնաժողովը, եթե Պուտինը մասնակցի համաժողովին:
Նոյեմբերի 11-ից 22-ը Ադրբեջանում կանցկացվի ՄԱԿ-ի Կլիմայի փոփոխության 29-րդ համաժողովը (COP29):
Անցյալ տարի ևս Վլադիմիր Պուտինը չի մասնակցել COP28 համաժողովին, որն անցկացվել է Արաբական Միացյալ Էմիրություններում։
