18.10.2024 | 19:30
ԲԴԽ-ն չի կատարի Սահմանադրական դատարանի որոշումը. Դավիթ Հարությունյանի գործի չի վերանայվի
Բայրամովը «3+3» հարթակի հանդիպմանը դժգոհել է ՀՀ Սահմանադրությունից
Քաղաքականություն
18.10.2024 | 14:52
Ադրբեջանի ԱԳ նախարար Ջեյհուն Բայրամովը ելույթ է ունեցել Ստամբուլում «3+3» տարածաշրջանային հարթակի երկրների արտաքին գործերի նախարարների հանդիպմանը։ Տեղական լրատվամիջոցների հաղորդմամբ՝ նա ասել է, թե Բաքուն մշակել է տեսլական՝ տարբեր ոլորտներում ընդհանուր խնդիրները փոխակերպելու համագործակցության հնարավորությունների, ներառյալ՝ անվտանգությունը, տնտեսությունը, առևտուրը, էներգետիկան, տրանսպորտը, կապը և շրջակա միջավայրը:
Բայրամովը հերթական անգամ չի շրջանցել նաև ՀՀ Սահմանադրությունը փոխելու՝ Բաքվի պահանջների թեման։
«Հետկոնֆլիկտային ժամանակաշրջանի այսպիսի կրիտիկական պահին տարածաշրջանում կայուն և անշրջելի խաղաղության հասնելու համար ընդգծվել է Հայաստանի կողմից անհրաժեշտ սահմանադրական փոփոխությունների միջոցով նախկին հակամարտության նարատիվների և կառույցների վերացման նշանակությունը»,- ասվում է Ադրբեջանի ԱԳՆ-ի աարածած հաղորդագրությունում։
Թարգմանությունը՝ Էմմա Չոբանյանի
