11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ադրբեջանի քաղբանտարկյալների հարցը բարձրացվել է Պրահայում անցկացված «Ֆորում 2000»-ում
Քաղաքականություն
15.10.2024 | 22:18
Պրահայում տեղի ունեցած «Ֆորում 2000» երկօրյա համաժողովի շրջանակներում ցուցադրվել են Ադրբեջանում քաղբանտարկյալների լուսանկարներով ստենդեր: Մասնավորապես, դրանցում պատկերված են թալիշ հետազոտող Իգբալ Աբիլովի, տնտեսագետ Ֆազիլ Գասիմովի, Abzas Media և Toplum TV գործերով կալանավորված լրագրողների և ակտիվիստների լուսանկարները, հայտնում են ադրբեջանական լրատվամիջոցները։
«Ֆորում 2000»-ը ավանդական ամենամյա համաժողով է, որն անցկացվում է ժողովրդավարական արժեքների, մարդու իրավունքների, քաղաքացիական հասարակության և կրոնական հանդուրժողականության խթանման նպատակով:
Այս տարվա համաժողովը նվիրված էր մարդու իրավունքների և քաղաքական ազատությունների համար շարունակվող պայքարին: Կազմակերպիչները ցուցահանդես են կազմակերպել՝ նվիրված Ադրբեջանում քաղբանտարկյալներին։ Նշվում է, որ ցուցահանդեսը բաղկացած է եղել 11 վահանակից, որոնք վիզուալ կերպով ցույց են տալիս Ադրբեջանի քաղաքացիական հասարակության դեմ վերջին բռնաճնշումների մասշտաբներն ու խստությունը։
Ադրբեջանցի իրավապաշտանների վերջին տվյալներով՝ երկրում քաղբանտարկյալների թիվը 319-ն է:
Թարգմանությունը՝ Էմմա Չոբանյանի
