22.11.2024 | 19:31
Լուկաշենկոն սպառնացել է «ամբողջությամբ ինտերնետը անջատել» բողոքի ակցիաների դեպքում
Իսրայելն ու Ադրբեջանը էներգետիկ ոլորտում համագործակցության հարցեր են քննարկել
Քաղաքականություն
15.10.2024 | 14:15
Ադրբեջանի և Իսրայելի միջև էներգետիկ ոլորտում կապերի ընդլայնման հարցեր են քննարկել Թել Ավիվում Ադրբեջանի դեսպան Մուխթար Մամեդովը և Իսրայելի էներգետիկայի և ենթակառուցվածքների նախարար Էլի Քոհենը։ Այս մասին X-ի իր միկրոբլոգում հայտնել է իսրայելցի նախարարը՝ ընդգծելով, որ ամրապնդում են կապերը Ադրբեջանի հետ։
«Այսօր ես հանդիպեցի Իսրայելում Ադրբեջանի դեսպան Մուխթար Մամեդովի հետ՝ քննարկելու էներգետիկ ոլորտում մեր համագործակցության ընդլայնման հարցը։ Որպես արտգործնախարար, ես բացել եմ Իսրայելում Ադրբեջանի դեսպանությունը՝ շիա մահմեդական երկրի առաջին դեսպանատունը: Մեր հարաբերությունները Ադրբեջանի հետ ռազմավարական են, և ես մտադիր եմ շարունակել աշխատել՝ ամրապնդելու մեր երկրների հարաբերությունները բոլոր մակարդակներում»,-նշել է Քոհենը, որը նախկինում զբաղեցրել է Իսրայելի ԱԳ նախարարի պաշտոնը։
Թարգմանությունը՝ Էմմա Չոբանյանի
