07.10.2026 | 13:24
Մոսկվայում ԱՄՆ դեսպանատունն առողջապահական տագնապ է տարածել՝ ամերիկացիներին կոչ անելով չմեկնել ՌԴ
Թեհրանը կարծում է, որ չպետք է անտեսել որևէ երկրի ինքնիշխանությունը․ Իրանի նախագահն ընդունել է Ադրբեջանի փոխվարչապետին
Քաղաքականություն
14.10.2024 | 18:24
Իրանի նախագահ Մասուդ Փեզեշքիանն ընդունել է Թեհրանում գտնվող Ադրբեջանի փոխվարչապետ Շահին Մուստաֆաևին, գրում է Mehr գործակալությունը։
Հանդիպմանը Փեզեշքիանն ընդգծել է՝ Իրանը կարծում է, որ չպետք է անտեսել որևէ երկրի ինքնիշխանությունը՝ հավելելով, որ օտարերկրացիների ներկայությունը ձեռնտու չէ այս տարածաշրջանի երկրներին։ Նա ասել է, որ համատեղ աշխատելով՝ տարածաշրջանի պետությունները կարող են լուծել իրենց հարցերը։
«Մենք ողջունում ենք բոլոր այն նախագծերը, որոնք ավելի կզարգացնեն հարաբերություններն իսլամական երկրների միջև»,- նշել է Փեզեշքիանը։
Նա կոչ է արել արագացնել Թեհրանի և Բաքվի միջև համաձայնությունների իրականացումը և հավելել․ «Մենք ողջունում ենք երկու երկրների միջև երկաթուղային և ճանապարհային երթուղիների ստեղծումը, ինչպես նաև ցանկանում ենք շարունակել և ընդլայնել համագործակցությունը էներգետիկայի և գյուղատնտեսության ոլորտներում, և մենք հավատարիմ ենք այն ամենին, ինչ պայմանավորվածություն է ձեռք բերվել այդ ոլորտներում»:
Մուստաֆաևն իր հերթին Ադրբեջանի նախագահ Իլհամ Ալիևի անունից նա հայտարարել է, որ Բաքուն ձգտում է ընդլայնել հարաբերություններն Իրանի հետ տարբեր ոլորտներում, այդ թվում՝ տնտեսության, էներգակիրների փոխանակման, մշակույթի, տարանցման, անվտանգության ու պաշտպանության ոլորտներում։
Թարգմանությունը՝ Էմմա Չոբանյանի
