08.10.2026 | 14:53
Թուրքական պաշտպանական ընկերությունը փակում է Ադրբեջանում իր մասնաճյուղը
Իսրայելը երբեք որևէ ռազմական ծրագիր չի ունեցել Թուրքիայի դեմ․ Իսրայելի նախագահը՝ Էրդողանին
Քաղաքականություն
10.10.2024 | 21:41
Իսրայելը մտադիր չէ ռազմական գործողություններ ձեռնարկել Թուրքիայի դեմ։ Այս մասին հայտարարել է Իսրայելի նախագահ Իցհակ Հերցոգն այն բանից հետո, երբ Թուրքիայի նախագահ Ռեջեփ Թայիփ Էրդողանը նախազգուշացրել է, որ իր երկիրը կարող է հաջորդը հարձակման ենթարկվել Իսրայելի կողմից՝ Լիբանանից և Գազայից հետո, գրում է The Times of Israel-ը։
«Ես տեսա, որ Թուրքիայի ղեկավարի կողմից որոշ մեկնաբանություններ են եղել Թուրքիայի դեմ Իսրայելի ենթադրյալ ծրագրերի վերաբերյալ։ Ուզում եմ հստակ ասել, որ Իսրայելը երբեք որևէ ծրագիր չի ունեցել Թուրքիայի դեմ։ Հակառակը, մենք մեծ հարգանքով ենք վերաբերվում Թուրքիայի ժողովրդին, և նրանք մեծ հարգանք ունեն Իսրայելի ժողովրդի նկատմամբ: Մենք ժողովուրդների միջև երկարամյա հարաբերություններ ունենք, և ժողովուրդները կգերակայեն բոլոր այն ձայներին, որոնք դեմ են բարեկամությանը և համակեցությանը»,- հայտարարել է Իսրայելի նախագահը։
Հիշեցնենք՝ Թուրքիայի նախագահ Ռեջեփ Թայիփ Էրդողանն օրերս հայտարարել էր, որ Իսրայելի ղեկավարությունը, Պաղեստինից և Լիբանանից հետո, հայացքն ուղղելու է դեպի Թուրքիայի հողերը։
Թարգմանությունը՝ Էմմա Չոբանյանի
