08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ալիևի օգնականը ՌԴ ԱԳ փոխնախարարի հետ Հայաստանի հետ բանակցային գործընթացն է քննարկել
Քաղաքականություն
08.10.2024 | 21:11
Մոսկվայում ԱՊՀ պետությունների ղեկավարների խորհրդի նիստին շրջանակում Ադրբեջանի նախագահի օգնականի Հիքմեթ Հաջիևն աշխատանքային քննարկում է ունեցել ՌԴ ԱԳ փոխնախարար Անդրեյ Ռուդենկոյի հետ։ Ադրբեջանական լրատվամիջոցների հաղորդմամբ՝ հանդիպման ընթացքում քննարկվել են Ադրբեջանի և Ռուսաստանի միջև երկկողմ դաշնակցային փոխգործակցության, ինչպես նաև տարածաշրջանային ընթացիկ հարցեր։
Առանձնահատուկ ուշադրություն է դարձվել «3+3» ձևաչափով համագործակցությանը Ադրբեջան-Ռուսաստան-Իրան ձևաչափով, ինչպես նաև Հյուսիս-Հարավ տրանսպորտային միջանցքի, ՇՀԿ-ի և ԲՐԻԿՍ-ի հետ Ադրբեջանի փոխգործակցությանը և այլ հարցերի:
«Հաջիևը ՌԴ փոխնախարարին տեղեկացրել է հայ-ադրբեջանական կարգավորման բանակցային գործընթացի առաջընթացի մասին՝ շեշտը դնելով Հայաստանի օրենսդրության փոփոխության բացարձակ անհրաժեշտության վրա՝ դրանից Ադրբեջանին Հայաստանի տարածքային հավակնությունների հետ կապված դրույթները վերացնելու համար»,- ասվում է հայտարարության մեջ։
Հանդիպմանը մասնակցել են նաև Ռուսաստանում Ադրբեջանի նորանշանակ դեսպան Ռահման Մուստաֆաևը և ՌԴ ԱԳՆ Ասիայի երկրորդ վարչության փոխտնօրեն Մաքսիմ Բարանովը։
Թարգմանությունը՝ Էմմա Չոբանյանի
