24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ղրիմում ԱԹՍ-ի հարվածից հետո արդեն երկրորդ օրն է՝ այրվում է նավթի պահեստը․ հարյուրավոր բնակիչներ են տարհանվել․ ՏԵՍԱՆՅՈՒԹ
Քաղաքականություն
08.10.2024 | 21:46
ՌԴ-ի կողմից բռնակցված Ղրիմում գտնվող Թեոդոսիայում ԱԹՍ-ի հարվածից հետո երկրորդ օրն է՝ այրվում է նավթի պահեստը, ավելի քան 1000 մարդ տարհանվել է։ Այս մասին հայտնել է ՌԴ-ի կողմից նշանակված Թեոդոսիայի վարչակազմի ղեկավար Իգոր Տկաչենկոն։
Նրա խոսքով՝ 1047 մարդ, ովքեր բնակվում են Չեռնոմորսկայա ամբարտակի և Կամիշիի մերձակայքում, ուղարկվել են ժամանակավոր տեղավորման կենտրոններ։ Բժիշկների կողմից հետազոտվելուց հետո մարդկանց տեղավորել են քաղաքի հյուրանոցներում և հանգստյան տներում։
Հրդեհաշիջման աշխատանքները շարունակվում են։
«Ազատություն» ռադիոկայանի լրագրողներն ուսումնասիրել են արբանյակային պատկերները և եկել եզրակացության, որ նավթի պահեստի տարածքում 2022 թվականի աշնանից տեղադրվել է Պանցիր-С1 հակաօդային պաշտպանության համակարգը, ինչը, ըստ երևույթին, չի կարողացել օգնել հետ մղել հարձակումը։
Թարգմանությունը՝ Տաթև Ֆռանգյանի
