22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Շոլցը Բեռլինում կընդունի Բայդենին, Մակրոնին և Սթարմերին՝ Ուկրաինայի հարցով բանակցությունների համար
Քաղաքականություն
08.10.2024 | 18:09
Գերմանիայի կանցլեր Օլաֆ Շոլցն այս շաբաթ Բեռլինում կհյուրընկալի ԱՄՆ-ի, Ֆրանսիայի և Մեծ Բրիտանիայի առաջնորդներ Ջո Բայդենին, Էմանուել Մակրոնին և Քիր Սթարմերին՝ Ռամշտայն ավիաբազայում Ուկրաինայի կոնտակտային խմբի հետ հանդիպումից առաջ։ Այս մասին հաղորդում է Bloomberg-ը՝ վկայակոչելով գերմանական կառավարության բարձրաստիճան պաշտոնյային։
Գործակալության տվյալներով՝ առաջնորդները Կիևին կհավաստիացնեն, որ Ուկրաինային ռազմական և ֆինանսական աջակցությունը կշարունակվի, ինչպես նաև կքննարկեն Ուկրաինայի համար «արդար և կայուն խաղաղության հասնելու ուղիները»։
Դրանից հետո Շոլցը, Բայդենը, Մակրոնը և Սթարմերը կմեկնեն Ռամշտայն ավիաբազա՝ հանդիպելու Ուկրաինայի հարցով կոնտակտային խմբի հետ։ Խմբի հավաքին կմասնակցեն շուրջ 20 պետությունների ղեկավարներ, այդ թվում՝ Ուկրաինայի նախագահ Վլադիմիր Զելենսկին։
Ավելի վաղ Սպիտակ տան մամուլի քարտուղար Կարին Ժան-Պիերն ընդգծել էր, որ Ջո Բայդենի Գերմանիա այցի կարևորագույն բաղադրիչներից մեկը կլինի շարունակական աջակցությունն Ուկրաինային՝ ռուսական ագրեսիան կասեցնելու համար։
Թարգմանությունը՝ Տաթև Ֆռանգյանի
