08.10.2026 | 14:42
ՄԻՊ-ը Վարդենիսի խնամքի կենտրոնում աշխատանքի շահագործման և այլ խախտումներ է արձանագրել
Գերմանիայի կառավարությունը հավանություն է տվել Թուրքիային հարյուր միլիոնավոր եվրոյի զենքի վաճառքին
Քաղաքականություն
07.10.2024 | 14:51
Գերմանիան չեղարկել է Թուրքիային զենքի վաճառքի արգելքը՝ նման սահմանափակումները վերացնելու՝ Նորվեգիայի վերջին որոշումից հետո։ Այս մասին գրում է Turkiye today-ը՝ վկայակոչելով գերմանական Spiegel-ին։
Ըստ լրատվամիջոցի՝ Գերմանիայի Անվտանգության դաշնային խորհուրդը թույլատրել է հարյուր միլիոնավոր եվրոյի զենքի վաճառքը ՆԱՏՕ-ի իր դաշնակցին՝ Թուրքիային։
Նորվեգիան երեք շաբաթ առաջ էր չեղարկել Թուրքիայի նկատմամբ սահմանված պաշտպանական արդյունաբերության արտահանման սահմանափակումները։
Հաղորդվում է, որ հաստատված արտահանումը ներառում է 100 կառավարվող հրթիռ և 28 SeaHake տիպի տորպեդներ, որոնք արտադրվել են ThyssenKrupp-ի կողմից թուրքական նավատորմի համար։ Չնայած Գերմանիայի էկոնոմիկայի նախարարության՝ Դաշնային ժողովին ուղարկված ցուցակը չի հստակեցնում արտահանման ընդհանուր ֆինանսական շրջանակը, հրթիռները գնահատվում են մոտավորապես 100 միլիոն եվրո, տորպեդները՝ շուրջ 156 միլիոն եվրո:
Նշվում է նաև, որ գերմանական սպառազինության ընկերությունների մասնակցությամբ տարբեր կոնսորցիումներին թույլատրվել է մատակարարել 79 միլիոն եվրո բյուջեով թուրքական U209 սուզանավերի արդիականացման համար նյութեր։ Բացի այդ, Գերմանիայի կառավարությունը հավանություն է տվել թուրքական կորվետների ու ֆրեգատների համար 1,9 մլն եվրո արժողությամբ շարժիչի մասերի մատակարարմանը։
Թարգմանությունը՝ Էմմա Չոբանյանի
