22.06.2026 | 16:45
Բաքուն «Արևմտյան Ադրբեջանի ժառանգությունը․ վերադարձ պատմական արմատներին» միջոցառում է կազմակերպել
Մեր զինված ուժերի փայլուն աշխատանքը միանգամայն օրինական է․ Ալի Խամենեին՝ Իսրայելի հրթիռակոծման մասին
Քաղաքականություն
04.10.2024 | 14:35
Իրանի գերագույն հոգևոր առաջնորդ այաթոլլա Ալի Խամենեին Թեհրանում ելույթ է ունեցել լիբանանյան «Հըզբոլլահ» խմբավորման սպանված առաջնորդ Հասան Նասրալլայի հիշատակի արարողությանը: Mehr գործակալության հաղորդմամբ՝ նա հայտարարել է, որ ըստ Ղուրանի՝ եթե մահմեդականները համախմբվեն, կարող են հաղթել թշնամիներին։
«Իրանի ազգի թշնամին Իրաքի ազգի թշնամին է, լիբանանյան ազգի թշնամին է, եգիպտացիների թշնամին է։ Բոլորիս թշնամին նույնն է»,- հայտարարել է նա։
Ըստ Իրանի հոգևոր առաջնորդի՝ Պաղեստինի ժողովուրդն իրավունք ունի կանգնել թշնամու դեմ, որը կործանել է նրա կյանքը:
«Մեր զինված ուժերի փայլուն աշխատանքը լիովին օրինական և օրինաչափ էր [Իրանի կողմից Իսրայելի հրթիռակոծումը]: Գազայի բնակիչներին լիբանանյան աջակցությունը նույնպես օրինական է»,- ասել է Ալի Խամենեին։
Նա նաև հայտարարել է, թե Իսրայելը «ձևացնում է, որ հաղթել է խաղաղ բնակիչների սպանությունների միջոցով», սակայն Իսրայելի վերջին պահվածքի կուտակային ազդեցությունն «աճող զայրույթն» է, որն «ուժեղացնում է դիմադրությունը»:
Թարգմանությունը՝ Էմմա Չոբանյանի
