11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Բեյրութի հարավում հզոր պայթյուններ են որոտացել. hարվածների թիրախը կարող էր լինել «Հըզբոլլահ»-ի սպանված առաջնորդի զարմիկը
Քաղաքականություն
04.10.2024 | 10:40
Բեյրութի հարավային ծայրամասում՝ Ռաֆիկ Հարիրիի անվան միջազգային օդանավակայանի մոտ, ուրբաթ գիշեր հզոր պայթյուններ են որոտացել։
«Հըզբոլլահ»-ին մոտ կանգնած աղբյուրները AFP-ին հայտնել են, որ իսրայելական բանակն առնվազն 11 հարված է հասցրել խմբավորման թիրախներին, փոխանցում է BBC-ի ռուսական ծառայությունը։
«Իսրայելը 11 անգամ անընդմեջ հարվածներ է հասցրել հարավային արվարձաններին»,- ասել է գործակալության զրուցակիցը, որը ցանկացել է անանուն մնալ։ Իսրայելի պաշտպանության բանակը չի մեկնաբանել հարվածները, սակայն ավելի վաղ կոչ էր արել հարավային Բեյրութի խաղաղ բնակիչներին տարհանել:
Բեյրութի օդանավակայանը սահմանակից է Դահիյա շրջանին, որը «Հըզբոլլահ»-ի հենակետն է և իսրայելական ավիահարվածների մշտական թիրախը:
Ինչպես հայտնում են Axios-ը և CNN-ը՝ հղում անելով իրենց աղբյուրներին, Բեյրութի հարվածների թիրախը կարող էր լինել «Հըզբոլլահ»-ի սպանված առաջնորդ Հասան Նասրալլահի զարմիկը՝ Հաշիմ Սաֆի ադ Դինը։
Նրան անվանում էին Նասրալլայի հավանական ժառանգորդ: Հայտնի չէ, թե արդյո՞ք նա տուժել կամ սպանվել է հարվածների հետևանքով։
Թարգմանությունը՝ Տաթև Ֆռանգյանի
