14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Հըզբոլլահ»-ը հայտարարել է, որ կանգնեցրել է Իսրայելի ռազմական ներխուժման փորձը
Քաղաքականություն
03.10.2024 | 15:21
«Հըզբոլլահ»-ի մարտիկները կանգնեցրել են Իսրայելի պաշտպանության բանակի (IDF) փորձը՝ ներխուժել Լիբանանի տարածք նախկին Ֆաթիմա սահմանային անցակետով, հայտնում է լիբանանյան շարժման մամուլի ծառայությունը։
«2024 թվականի հոկտեմբերի 3-ի առավոտյան ժամը 10:15-ին իսլամական դիմադրության մարտիկները հրետանային կրակով պատասխանել են իսրայելական թշնամու ուժերի՝ Ֆաթիմա անցակետ ներխուժելու փորձին»,- ՌԻԱ Նովոստիի փոխանցմամբ՝ հայտնել է «Հըզբոլլահ»-ը:
Իրավիճակը Լիբանանի և Իսրայելի սահմանին շարունակում է լարված մնալ անցյալ տարվա հոկտեմբերին Գազայի հատվածում ռազմական գործողությունների սկսվելուց հետո։ Այնուհետեւ «Հըզբոլլահ»-ը սկսել է հրետակոծել հրեական պետության հյուսիսը՝ աջակցելով պաղեստինյան ՀԱՄԱՍ շարժմանը։
Ի պատասխան՝ Իսրայելը սկսել է օդային հարվածներ հասցնել հարևան երկրին՝ ոչնչացնելով «Հըզբոլլահ»-ի մի քանի բարձրաստիճան հրամանատարների, այդ թվում՝ գլխավոր քարտուղար Հասան Նասրալլային։ Հոկտեմբերի 1-ին էլ Թել Ավիվը հայտարարել է շիաների շարժման դեմ ցամաքային գործողություն սկսելու մասին։
Թարգմանությունը՝ Տաթև Ֆռանգյանի
