11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Առաջին ՀԿ-ները ներառվել են Վրաստանի «օտարերկրյա գործակալների» ռեգիստրում
Քաղաքականություն
02.10.2024 | 14:12
Վրաստանում առաջին հասարակական կազմակերպությունները ներառվել են «օտարերկրյա գործակալների» հանրային ռեգիստրում։ Վրաստանի իշխանությունները սկսել են լրացնել այն «Օտարերկրյա ազդեցության թափանցիկության մասին» վիճահարույց օրենքն ուժի մեջ մտնելուց երկու ամիս անց, գրում է DW-ի ռուսական ծառայությունը։
Հրապարակման համաձայն՝ «օտարերկրյա գործակալների» ռեգիստրում ընդգրկվել են առաջին ինը ՀԿ-ները։
«Օտարերկրյա գործակալների» մասին օրենքը պահանջում է Վրաստանի ԶԼՄ-ներին և հասարակական կազմակերպություններին, որոնք իրենց եկամտի ավելի քան 20 տոկոսը ստանում են արտերկրից, գրանցվել կառավարության հանրային ռեգիստրում որպես «օտար տերության շահերը խրախուսող կազմակերպություններ»: Վրացական առցանց լրատվամիջոցների և ՀԿ-ների մեծ մասին, որոնք հիմնականում աշխատում են արևմտյան հիմնադրամների հետ, այս պահանջն առնչվում է: Այս կազմակերպություններից շատերը հրաժարվել են գրանցվել ռեգիստրում՝ ի նշան օրենքի դեմ բողոքի:
Թարգմանությունը՝ Տաթև Ֆռանգյանի
