30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Եվրոպան ՌԴ-ի դեմ նոր տիպի պատժամիջոցներ է պատրաստում
Քաղաքականություն
30.09.2024 | 21:06
ԵՄ իշխանությունները որոշել են Ռուսաստանի դեմ պատժամիջոցների նոր ռեժիմ մտցնել։ Այս մասին X-ում հայտնել է «Ազատություն» ռադիոկայանի եվրոպական ծառայության խմբագիր Ռիկարդ Յոզվիակը։
«Եվրամիության դեսպանները չորեքշաբթի կհամաձայնեցնեն նոր թեմատիկ պատժամիջոցների ռեժիմը Ռուսաստանին ուղղված հիբրիդային սպառնալիքներին ի պատասխան: Այն կձևակերպվի հաջորդ շաբաթ: Անուններ դեռևս չկան, բայց դրանք կավելացվեն ապագայում»,- գրել է նա:
Յոզվիակը հավելել է, որ սկզբում ցանկանում էին ներդնել ընդհանուր պատժամիջոցների ռեժիմ, սակայն, ի վերջո, համաձայնել են, որ այն կենտրոնանա ռուսական սպառնալիքների վրա։
Սեպտեմբերին ավելի վաղ Եվրամիությունը երկարաձգել էր Ռուսաստանի Դաշնության դեմ անհատական պատժամիջոցները ևս վեց ամսով՝ մինչև 2025 թվականի մարտի 15-ը։ Դրանք ուղղված են Ուկրաինայի տարածքային ամբողջականությունը խախտող անձանց դեմ։
Թարգմանությունը՝ Տաթև Ֆռանգյանի
