07.10.2026 | 23:48
Արթուր Դանիելյանը կալանավորվեց
Ադրբեջանի Մեջլիսում արտաքին միջամտության և հիբրիդային սպառնալիքների դեմ պայքարի հանձնաժողով է ստեղծվել
Քաղաքականություն
30.09.2024 | 22:05
Ադրբեջանի խորհրդարանում ստեղծվել է արտաքին միջամտության և հիբրիդային սպառնալիքների դեմ ժամանակավոր հանձնաժողով։ Ադրբեջանական լրատվամջոցների հաղորդմամբ՝ հարցը քննարկվել և ընդունվել է Միլլի Մեջլիսի՝ այսօր կայացած աշնանային նստաշրջանի առաջին նիստում։
Հանձնաժողովի նախագահ է ընտրվել պատգամավոր Ռամիդ Նամազովը, անդամներ՝ Ամինա Աղազադեն, Քյամրան Բայրամովը, Նուրլան Հասանովը, Գայա Մամեդովը, Սևիլ Միքայիլովան, Ռասիմ Մուսաբեկովը, Գյուլշան Փաշաևան, Զաուր Շյուքուրովը։
Հիշեցնենք, որ սեպտեմբերի 23-ին ելույթ ունենալով 7-րդ գումարման Մեջլիսի առաջին նիստում՝ Ադրբեջանի նախագահ Իլհամ Ալիևը հայտարարել էր, թե արտաքին շրջանակները, չկարողանալով մարսել «իրենց հաղթանակը, նոր ծրագրեր են մշակում Ադրբեջանի դեմ»։
Մեջլիսի այսօրվա նիստում խորհրդարանի նախագահ Սահիբա Գաֆարովան հայտարարել է, թե «այսօր Ադրբեջանը բախվում է բարդ սպառնալիքների, որոնք նպատակ ունեն խաթարել հասարակության վստահությունը պետության և կայունության նկատմամբ»։ Ըստ նրա՝ բազմաթիվ փորձեր են արվում մանիպուլյացիայի ենթարկել հասարակությանն ու պետությանը։
Գաֆարովան ասել է, որ խորհրդարանի նորաստեղծ արտաքին միջամտության և հիբրիդային սպառնալիքների դեմ պայքարի ժամանակավոր հանձնաժողովի գործունեությունը կրելու է կանխարգելիչ բնույթ։
Թարգմանությունը՝ Էմմա Չոբանյանի
