11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ՌԴ-ն պատրաստվում է օկուպացված Դոնբասից Ադրբեջանի տարածքով ածուխ արտահանել Չինաստան, Հնդկաստան և Իրան
Քաղաքականություն
30.09.2024 | 18:11
Ռուսական «Don Coals Trading House» ընկերությունը պատրաստվում է հոկտեմբերին սկսել Դոնբասից ածուխի արտահանումը, ասել է ինքնահռչակ Դոնեկցի նախագահի առաջին տեղակալ Անդրեյ Չերտկովը։
Մատակարարումների շուրջ բանակցությունները շարունակվում են Չինաստանից, Հնդկաստանից, Իրանից, Ուզբեկստանից և Մալայզիայից պոտենցիալ գնորդների հետ, հաստատել է ընկերության գլխավոր տնօրեն Օլեգ Կնյազևը։
RBC-ի աղբյուրը, որը ծանոթ է «Don Coals»-ի ծրագրերին, հայտնել է, որ արտահանումը կարող է իրականացվել Ռուսաստանի կողմից գրավված Մարիուպոլի, Տագանրոգի և Դոնի Ռոստովի նավահանգիստներով, ինչպես նաև երկաթուղով՝ Ադրբեջանի և Իրանի տարածքով:
«Don Coals»-ը չի նախատեսում արտադրանքն արտահանել Արևելյան պոլիգոնով և Հեռավոր Արևելքի նավահանգիստներով՝ սիբիրյան ածխահանքերի հետ հնարավոր մրցակցության պատճառով, նշել է RBC-ի զրուցակիցը։ Միաժամանակ, ընկերությունը դիտարկում է Ռոստովի մարզ և Ռուսաստանի հարավային այլ շրջաններ մատակարարումներ հաստատելու հնարավորությունը։
Թարգմանությունը՝ Տաթև Ֆռանգյանի
