14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱՄՆ-ում «Հելեն» փոթորկի հետևանքով զոհերի թիվը գերազանցել է 90-ը
Քաղաքականություն
30.09.2024 | 16:27
ԱՄՆ-ի հարավ-արևելքում «Հելեն» ավերիչ փոթորկի հետևանքով զոհերի թիվը գերազանցել է 90-ը։ Միայն Հյուսիսային Կարոլինայի Բանկոմբ շրջանում աղետի 30 զոհ է գրանցվել: Ընդհանուր առմամբ, փոթորիկը խլել է առնվազն 93 մարդու կյանք, գրում է DW-ի ռուսական ծառայությունը։
Փոթորկի և դրան հետևած աղետալի ջրհեղեղի պատճառով մի շարք նահանգներում առանց էլեկտրականության է մնացել մոտ 2,7 միլիոն տնային տնտեսություն, վնասվել կամ ամբողջությամբ ավերվել են տներ, առևտրային շենքեր և ճանապարհներ, ինչպես նաև ջրի և կապի համակարգեր: Հազարավոր մարդիկ տեղավորվել են ժամանակավոր կացարաններում։
Իշխանություններն աշխատում են էլեկտրաէներգիայի վերականգնման ուղղությամբ, սակայն աշխատանքը կարող է տևել ևս մի քանի օր, նշել է էներգետիկայի նախարարության ներկայացուցիչը:
Ոչ ոք չէր կարող պատրաստ լինել նման զանգվածային ջրհեղեղների և սողանքների, CBS-ի եթերում ասել է Արտակարգ իրավիճակների կառավարման դաշնային գործակալության (Fema) ղեկավար Դին Քրիսվելը: Նրա խոսքով՝ վնասը հատկապես մեծ է եղել Հյուսիսային Կարոլինայում։ Նա հավելել է, որ մոբիլիզացվել են լրացուցիչ որոնողափրկարարական խմբեր։
Հյուսիսային Կարոլինայի նահանգապետ Ռոյ Կուպերը նշել է, որ որոշ շրջաններում փրկարարները ստիպված են եղել օգնություն մատակարարել օդային ճանապարհով՝ ջրհեղեղի կամ ավերված ճանապարհների պատճառով։ Ամբարտակների փլուզման վտանգի պատճառով նահանգի արևմտյան որոշ հատվածներում ուժի մեջ է մնում ջրհեղեղի մասին նախազգուշացումը:
Տրանսպորտի դեպարտամենտի տվյալներով՝ Հյուսիսային Կարոլինայում և Թենեսիում փակ են չորս հիմնական մայրուղիներ:
Թարգմանությունը՝ Տաթև Ֆռանգյանի
