29.09.2024 | 20:30
«Թմրանյութի նույնիսկ մեկ անգամ գործածումը կարող է բերել գերդոզավորման՝ մահվան ելքով». ՏԵՍԱՆՅՈՒԹ
Ամեն ինչ կախված է Փաշինյանից և Ալիևից. Լավրովը՝ ՌԴ-ում հանդիպման հավանականության մասին
Քաղաքականություն
29.09.2024 | 15:09
Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հնարավոր հանդիպումը Ռուսաստանում ԲՐԻԿՍ-ի կամ ԱՊՀ միջոցառումների շրջանակներում կախված է բացառապես նրանցից։ Այս մասին հայտարարել է ՌԴ ԱԳ նախարար Սերգեյ Լավրովը ՄԱԿ-ի Գլխավոր վեհաժողովի 79-րդ նստաշրջանին հաջորդած մամուլի ասուլիսում։
«Ինչպես ասում են, ամեն ինչ կախված է իրենցից, եթե ցանկանում են հանդիպել, ինչպես նախարարները հանդիպեցին այստեղ (ԱՄՆ-ում) ԱՄՆ պետքարտուղար Է. Բլինկենի մասնակցությամբ։
Ամերիկացիներն իսկապես ցանկանում են, որ նրանք այստեղ գերիշխող լինեն, ինչպես Մերձավոր Արևելքում։ Նրանց համար կարևոր է ցույց տալ, որ իրենք են տերը։ Եթե դա ձեռնտու է մեր ադրբեջանցի և հայ ընկերներին, ապա սա համապատասխան ղեկավարների ընտրությունն է։
Մենք միշտ պատրաստ ենք իրականացնել այն, ինչ պայմանավորվել ենք մեր մասնակցությամբ՝ սկսած 2020 թվականի նոյեմբերից։ Երկու տարվա ընթացքում Ռուսաստանի, Ադրբեջանի և Հայաստանի ղեկավարները հանդիպել են ևս երեք անգամ։ Տրանսպորտային հաղորդակցությունների ապաշրջափակման համար ստեղծվել է եռակողմ աշխատանքային խումբ։ Կան սահմանների սահմանազատում իրականացնելու մեխանիզմներ և այլն։ Մենք պատրաստ ենք կատարել այնտեղ ամրագրված մեր բոլոր պարտավորությունները»,- նշել է ՌԴ ԱԳ նախարարը։
