23.06.2026 | 10:51
Ամիրյան փողոցն անվանափոխվեց Պապ թագավորի անունով
Ռումինիան հայտնել է երկրի օդային սահմանը ռուսական ԱԹՍ-ի հատելու մասին
Քաղաքականություն
27.09.2024 | 22:48
Ռուսական անօդաչու թռչող սարքը Ռումինիայի օդային տարածքը, հնարավոր է, խախտել է «շատ կարճ ժամանակով՝ երեք րոպեից պակաս», BBC-ի ռուսական ծառայության փոխանցմամբ՝ հայտնել է Ռումինիայի պաշտպանության նախարարությունը։
Օդեսայի շրջանի Իզմայիլ քաղաքի վրա անօդաչու թռչող սարքի հարձակման հետևանքով, որը գտնվում է Ռումինիայի հետ սահմանին՝ Դանուբի ափին, երեք մարդ է զոհվել, 14-ը՝ վիրավորվել է, ուրբաթ հայտնել է Օդեսայի շրջանի դատախազությունը։ Ռուս զինվորականները չեն մեկնաբանել այս տվյալները։
Ռումինիան (ՆԱՏՕ-ի անդամ) օդ է բարձրացրել 2 F-16 կործանիչ, ինչպես նաև՝ երկու իսպանական F-18 ինքնաթիռ, որոնք իրականացնում են երկրի օդային տարածքը պարեկելու առաքելություն։ Ռումինիայի հարավարևելյան Տուլչա շրջանի բնակիչներին նախազգուշացրել է պատսպարվել, գրում է Reuters-ը։
Ռումինիան 650 կմ երկարությամբ սահման ունի Ուկրաինայի հետ։ Անցած տարվա ընթացքում ռուսական անօդաչու թռչող սարքերի բեկորները բազմիցս ընկել են դրա տարածքում, հիմնականում այն բանից հետո, երբ դրանք ոչնչացվել են ուկրաինական հակաօդային պաշտպանության կողմից, հայտնում են ռումինացին զինվորականները:
Թարգմանությունը՝ Տաթև Ֆռանգյանի
