23.06.2026 | 12:43
Փաշինյանի որոշմամբ կարկտահարության դեպքերն ուսումնասիրող աշխատանքային խումբ է ստեղծվել
Բլինքենը ՌԴ միջուկային դոկտրինը փոխելու՝ Պուտինի հայտարարությունն «անպատասխանատու» է որակել
Քաղաքականություն
26.09.2024 | 21:16
ԱՄՆ պետքարտուղար Էնթոնի Բլինկենը մեկնաբանել է ՌԴ նախագահ Վլադիմիր Պուտինի՝ Ռուսաստանի միջուկային դոկտրինում փոփոխությունների մասին հայտարարություն։
«Այն միանգամայն անպատասխանատու է։ Կարծում եմ՝ աշխարհում շատերը պարզ խոսեցին այս մասին, երբ նա ավելի վաղ վախեցնում էր միջուկային զենքով, ներառյալ՝ Չինաստանը»,- ասել է Բլինքենը MSNBC-ին տված հարցազրույցում:
ԱՄՆ պետքարտուղարը կարծում է, որ անհրաժեշտ է հայտարարել միջուկային նման հռետորաբանության անթույլատրելիության մասին, հատկապես՝ այն ժամանակ, երբ Նյու Յորքում անցկացվում է Գլխավոր վեհաժողովի նստաշրջանը, որտեղ քննարկվում է հետագա զինաթափման և միջուկային զենքի չտարածման անհրաժեշտությունը, փոխանցում է BBC-ի ռուսական ծառայությունը։
Պուտինը նախօրեին ասել էր, որ միջուկային դոկտրինում փոփոխություններ են կատարվելու՝ պատասխան միջուկային հարվածի հիմքերն ընդլայնելու համար։ Դա կարող է արվել նաև Ռուսաստանի համար ինչ-որ «կրիտիկական իրավիճակում»՝ ի պատասխան սովորական սպառազինությունների կիրառման։
Թարգմանությունը՝ Տաթև Ֆռանգյանի
