11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Սլովակիայի վարչապետ Ռոբերտ Ֆիցոն փամփուշտով ծրար է ստացել
Քաղաքականություն
25.09.2024 | 19:12
Սլովակիայի կառավարության գրասենյակը ծրար է ստացել՝ ուղղված երկրի վարչապետ Ռոբերտ Ֆիցոյին։ Անհայտ ուղարկողի կողմից ծրարի ներսում փամփուշտ է եղել, հայտնում է Teraz պորտալը՝ վկայակոչելով երկրի նախարարների կաբինետի մամուլի և տեղեկատվության վարչությանը։
Նամակը հայտնաբերվել է Ֆիցոյի առավոտյան փոստը ստուգելիս։
Հիշեցնենք՝ մայիսի 15-ին Սլովակիայի Հանդլովա քաղաքում ընդդիմության 71-ամյա կողմնակից Յուրայ Ցինտուլան մի քանի անգամ կրակել էր Ռոբերտ Ֆիցոյի վրա։ Վարչապետը ծանր վիճակում հոսպիտալացվել էր երեք հրազենային վնասվածքով։ Կրակողին անմիջապես բերման էին ենթարկել։
Միջադեպից հետո վարչապետն առաջին անգամ հանրությանը ներկայացել է միայն հուլիսին։ Նա ելույթ է ունեցել Սուրբ Կիրիլի և Մեթոդիոսի օրվան նվիրված միջոցառմանը, որը Սլովակիայում պետական տոն է։
Թարգմանությունը՝ Տաթև Ֆռանգյանի
