30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իսրայելի բանակը հայտարարել է Բեյրութին «թիրախային հարվածների» մասին․ ՏԵՍԱՆՅՈՒԹ
Քաղաքականություն
24.09.2024 | 17:28
Իսրայելի պաշտպանության բանակը հայտարարել է «Հյուսիսի նետերը» ռազմական օպերացիայի շրջանակում Լիբանանում «Հըզբոլլահ» շարժման ենթակառուցվածքներին հարվածների նոր ալիքի մասին։ Իսրայելի պաշտպանության բանակը հայտնում է, որ բանակը «թիրախային հարվածներ» է հասցնում Լիբանանի մայրաքաղաք Բեյրութին։
Ամբողջ օրվա ընթացքում իսրայելական բանակը հաղորդել է, որ ավիահարվածներ են հասցվել Լիբանանի արևելքում գտնվող Բեքաա հովտում «Հըզբոլլահ»-ի թիրախներին: Բացի այդ, իսրայելական բանակը հարձակվել է Լիբանանի հարավային որոշ շրջանների վրա։
«Խոցված թիրախները ներառում էին հրամանատարական կենտրոններ, շենքեր, որտեղ զենք էր պահվում, և ահաբեկչական այլ ենթակառուցվածքներ»,- ասվում է Իսրայելի պաշտպանության բանակի Telegram-ի գրառման մեջ:
Իսրայելական բանակը հավելել է, որ հարվածների արդյունքում Լիբանանում երկրորդական պայթյուններ են գրանցվել, ինչը ցույց է տալիս, որ տուժած շենքերում զենք է պահվել, հավելել են Իսրայելի բանակում։
Սեպտեմբերի 23-ին Իսրայելի պաշտպանության նախարար Յոավ Գալանտը հայտարարել է Լիբանանում «Հյուսիսի նետեր» հարձակողական գործողության մասին։ Իսրայելի վարչապետ Բենիամին Նեթանյահուն տեղի բնակիչներին կոչ է արել լքել «Հըզբոլլահ»-ի կառույցներին մոտ գտնվող տարածքները: Լիբանանի Առողջապահության նախարարության վերջին տվյալներով՝ զոհվել է 558 մարդ, վիրավորվել՝ ավելի քան 1,8 հազարը։
Թարգմանությունը՝ Տաթև Ֆռանգյանի
