16.12.2025 | 17:26
Պեսկովը հայտարարել է, որ Ռուսաստանը ոչ թե ցանկանում է հրադադար, այլ լիարժեք խաղաղություն
«Մենք ավելի մոտ ենք պատերազմի ավարտին, քան շատերը կարծում են». Զելենսկի
Քաղաքականություն
24.09.2024 | 12:45
Ուկրաինայի նախագահ Վլադիմիր Զելենսկին հայտարարել է, որ Ռուսաստանի պատերազմն Ուկրաինայի դեմ «ավելի մոտ է ավարտին», քան շատերը կարծում են, և դաշնակիցներին կոչ է արել ուժեղացնել ուկրաինական բանակը։ Այդ մասին Ուկրաինայի ղեկավարն ասել է ABC հեռուստաընկերությանը տված հարցազրույցում։
Հարցազրույցից հրապարակված հատվածներում Ուկրաինայի նախագահն ասում է, որ հաղթանակի իր ծրագիրը, որը պետք է ներկայացնի ԱՄՆ նախագահ Ջո Բայդենին, կայանում է «Ուկրաինան ուժեղացնելու մեջ»։
«Հենց այդ պատճառով էլ մենք խնդրում ենք մեր ընկերներին, մեր դաշնակիցներին՝ ուժեղացնել մեզ։ Դա ծայրահեղ կարևոր է։ Իմ կարծիքով՝ մենք ավելի մոտ ենք խաղաղությանը, քան շատերն են կարծում, մենք ավելի մոտ ենք պատերազմի ավարտին»,- ընդգծել է Վլադիմիր Զելենսկին։
Պատասխանելով հարցին՝ արդյո՞ք իր «հաղթական ծրագիրը» ներառում է բանակցություններ Ռուսաստանի հետ և պատրա՞ստ է, արդյոք, վստահել Մոսկվային, Ուկրաինայի նախագահը պատասխանել է, որ խաղաղության ծրագիրը Ռուսաստանի հետ բանակցությունների մասին չէ։ Նա այն անվանել է կամուրջ՝ հակամարտության դիվանագիտական կարգավորման համար, առաջարկների էությունն Ուկրաինայի հզորացումն է։
«Միայն ուժի դիրքերից մենք կկարողանանք դիվանագիտական ճանապարհով Պուտինին մղել խաղաղության»,- ասել է Զելենսկին։
Նրա խոսքով՝ Պուտինին վախեցնում է Ուկրաինայի ռազմական գործողությունը Կուրսկի շրջանում, քանի որ ռուսները տեսել են, որ նա չի կարողանում պաշտպանել սեփական երկրի տարածքը։
Սեպտեմբերի 25-ին Վլադիմիր Զելենսկին ելույթ կունենա Նյու Յորքում ՄԱԿ-ի Գլխավոր վեհաժողովի նիստում։ Նախատեսված են նրա հանդիպումները G7 երկրների, ինչպես նաև, այսպես կոչված, Գլոբալ հարավի ներկայացուցիչների հետ։
Թարգմանությունը՝ Տաթև Ֆռանգյանի
