30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Հարիսը Թրամփին հորդորել է համաձայնել բանավեճի երկրորդ փուլին
Քաղաքականություն
23.09.2024 | 18:13
ԱՄՆ փոխնախագահ Քամալա Հարիսը, որը Դեմոկրատական կուսակցության կողմից առաջադրվում է որպես նախագահի թեկնածու, հայտարարել է իր հանրապետական մրցակից Դոնալդ Թրամփի հետ բանավեճերի ևս մեկ փուլ անցկացնելու անհրաժեշտության մասին։ Թրամփն ավելի վաղ հրաժարվել էր կրկին բանավիճել Հարիսի հետ:
«Մենք պետք է ևս մեկ բանավեճ անցկացնենք։ Մրցակիցս պատճառ է փնտրում դրանցից խուսափելու համար, բայց պետք է համաձայնի։ Մենք պարտավոր ենք մեկ անգամ ևս հանդիպել ամերիկացի ժողովրդի և ընտրողների հետ մինչև ընտրությունների օրը»,- ասել է Հարիսը՝ ելույթ ունենալով Նյու Յորքում իր կողմնակիցների հետ հանդիպմանը, մեջբերում է Reuters-ը:
Դոնալդ Թրամփի և Քամալա Հարիսի բանավեճի առաջին փուլը կայացել է սեպտեմբերի 10-ին։ CNN-ի և SSRS-ի հարցումների համաձայն՝ գրանցված ընտրողների 63%-ն ասել է, որ Հարիսը հաղթել է: Միաժամանակ, Թրամփն իր հերթին հայտարարել է, որ սա իր «երբևէ լավագույն բանավեճն է եղել»։
Առաջին բանավեճից անմիջապես հետո ԱՄՆ նախկին նախագահն ասել է, որ կհամաձայնի երկրորդ փուլ անցկացնել NBC-ի կամ Fox News-ի եթերում: Սակայն Քամալա Հարիսը պնդում է, որ բանավեճի կազմակերպիչը պետք է լինի CNN-ը։
