30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Times-ը մանրամասներ է հայտնել Ուկրաինայի «հաղթական ծրագրից»
Քաղաքականություն
23.09.2024 | 14:21
Բրիտանական Times պարբերականը րում է, որ «հաղթական պլանը», որն Ուկրաինայի նախագահ Վլադիմիր Զելենսկին բերել է ԱՄՆ՝ Ջո Բայդենին ներկայացնելու համար, բաղկացած է չորս հիմնական կետերից․ ՆԱՏՕ-ի անդամների փոխադարձ պաշտպանության համաձայնագրի օրինակով արևմտյան անվտանգության երաշխիքների տրամադրում, Կուրսկի մարզ Ուկրաինայի ներխուժման շարունակություն՝ որպես տարածքային հաղթաթուղթ, «որոշակի» ժամանակակից զենքի տրամադրում, Ուկրաինայի փլուզված տնտեսության համար միջազգային ֆինանսական օգնություն։
Զելենսկին ասել է, որ պլանի ամբողջական մանրամասները չի հրապարակի մինչև հինգշաբթի Բայդենի հետ հանդիպումը, և հավելել, որ մտադիր է այն ներկայացնել նաև նախագահի երկու թեկնածուներին՝ Դոնալդ Թրամփին և Քամալա Հարիսին։
Բացի այդ, ըստ պարբերականի, Զելենսկին մտադիր է Բայդենից պահանջել «անվտանգության երաշխիքներ» Ուկրաինայի համար, ինչը թույլ չի տա Կիևին պարտադրել անբարենպաստ խաղաղության համաձայնագիր, եթե Դոնալդ Թրամփը հաղթի ԱՄՆ նախագահական ընտրություններում։
Թարգմանությունը՝ Տաթև Ֆռանգյանի
